Ադրբեջանը կարևոր գործընկեր է Հարավային Կովկասում և Կասպյան տարածաշրջանում․ ՌԴ ԱԳՆ

Ռուսաստանի ԱԳՆ–ը հայտարարել է, որ Ադրբեջանը դիտարկում է որպես կարևոր գործընկեր Հարավային Կովկասում և Կասպյան տարածաշրջանում՝ ընդգծելով երկկողմ հարաբերությունների առաջընթաց զարգացումը բարեկամության և բարիդրացիության ավանդույթների ոգով:

Հայտարարությունը հրապարակվել է Ադրբեջանի արտաքին գործերի նախարար Ջեյհուն Բայրամովի՝ Մոսկվա կատարելիք պաշտոնական այցի նախաշեմին: 

ՌԴ արտգործնախարար Սերգեյ Լավրովի հետ բանակցությունների ընթացքում կողմերը նախատեսում են քննարկել երկկողմ համագործակցության վիճակն ու հեռանկարները, ինչպես նաև տարածաշրջանային և միջազգային օրակարգի արդիական հարցեր: