Ադրբեջանի և Հայաստանի միջև խաղաղությունն, ըստ էության, արդեն գոյություն ունի. Ալիև

Ադրբեջանի նախագահ Իլհամ Ալիևը Լատվիայի նախագահ Էդգարս Ռինկևիչին տեղեկացրել է Ադրբեջանի և Հայաստանի միջև խաղաղության գործընթացի ընթացքի մասին, այս մասին հայտնում են ադրբեջանական լրատվամիջոցները։

Իլհամ Ալիևը Ադրբեջանում պաշտոնական այցով  գտնվող Լատվիայի նախագահ Էդգարս Ռինկևիչին հայտնել է, որ Ադրբեջանի և Հայաստանի միջև խաղաղությունն, ըստ էության արդեն գոյություն ունի։
Նրա խոսքով՝ անցած տարի երկու երկրների առաջնորդները հրավիրվել են Սպիտակ տուն, որտեղ ստորագրել են համատեղ հռչակագիր։