Ադրբեջանի հետ բանակցություններին մոտեցել ենք որպես ընդհանուր շահերի մասին բարեկամական զրույցի. Իրակլի Կոբախիձե

Վրաստանի վարչապետ Իրակլի Կոբախիձեն վերջին օրերին բազմիցս անդրադարձել է Ադրբեջանի հետ կնքված նոր համաձայնագրերին և ձեռք բերված պայմանավորվածություններին, հայտնում են վրացական ԶԼՄ-երը։ Կառավարության ղեկավարը շեշտել է, որ բաքվի հետ երկխոսությունը դուրս է ստանդարտ միջպետական հարաբերությունների ձևաչափից.

«Մենք ադրբեջանական կողմի հետ բանակցություններին մոտեցել ենք ոչ թե որպես երկու պետության միջեվ ստանդարտ երկխոսության, այլ որպես ընդհանուր շահերի մասին բարեկամական զրույցի։ Մենք ամենուր ունենք իդեալական պայմաններ, երկու կողմերի շահերը հավասարապես հաշվի են առնվում։ Սա վերաբերում է ինչպես գազի և էլեկտրաէներգիայի ներմուծմանն ու տարանցմանը, այնպես էլ Բաքու-Թբիլիսի-Սուփսա խողովակաշարի շահագործմանը»։

Վրաստանի վարչապետի փոխանցմամբ՝ ռազմավարական այս խողովակաշարի աշխատանքների դադարեցումը լուրջ տնտեսական կորուստներ էր պատճառում պետությանը.

• ադարի հետևանքով Վրաստանը կորցնում էր տասնյակ միլիոնավոր լարիի պոտենցիալ եկամուտ։

• Շահագործման վերականգնումից հետո այդ ողջ համապատասխան եկամուտը ուղղակիորեն կներառվի երկրի պետական բյուջե։

Կոբախիձեն մանրամասնել է նաև ստորագրված փաստաթղթերի իրավական ու լոգիստիկ կողմը՝ նշելով, որ Վրաստանին հաջողվել է ամրապնդել իր էներգետիկ անվտանգությունը.

«Մենք ունենք համաձայնագրերի երեք հիմնական ոլորտ, այդ թվում՝ «Շահ Դենիզ» հանքավայրից երաշխավորված գազի մատակարարումը, և կա երկու լրացուցիչ համաձայնագիր։ Ընդհանուր առմամբ, ծավալի երաշխիքը մեծացվել է։ Այսինքն՝ այս ստորագրված համաձայնագրի հիման վրա մենք ստացանք ավելի շատ երաշխիքներ, քան այն, ինչ ունեինք նախկինում՝ ծավալների առումով»: