Ադրբեջանի նախագահ Իլհամ Ալիևը հանդիպել է Ուկրաինայի նախկին նախագահի հետ

Ադրբեջանի նախագահ Իլհամ Ալիևը հանդիպել է Ուկրաինայի նախկին նախագահի հետ։ Այս մասին հայտնում են ադրբեջանական ԶԼՄ-ները։

«Ես հանդիպել եմ Ուկրաինայի նախկին նախագահ Վիկտոր Յուշչենկոյի հետ, որը այցով գտնվում է Բաքվում։

Մենք կիսվեցինք մեր ծանոթության հաճելի հիշողություններով, որոնք տևում են ավելի քան 20 տարի, հիշեցինք ադրբեջանա-ուկրաինական հարաբերությունների ամրապնդման ուղղությամբ մեր համատեղ կատարած աշխատանքը և մտքեր փոխանակեցինք մեր կապերի հետագա զարգացման հեռանկարների վերաբերյալ։

Հանդիպման ընթացքում Ադրբեջանում Ուկրաինայի դեսպանը ինձ հանձնեց «Իրպենի պատվավոր քաղաքացի» վկայականը», - նշվում է Ալիևի հրապարակման մեջ։