Ադրբեջանցու կրակոցից տուժած կինը վիրահատվել է

Սյունիքի մարզի Շաքի բնակավայրում ՀՀ սահմանը հատած ադրբեջանցի զինծառայողի կրակոցից տուժած կինը վիրահատվել է, հետվիրահատական վիճակը գնահատվում է կայուն: Այս մասին«Արմենպրեսս»-ին  տեղեկացրել է  ՀՀ առողջապահության նախարարի մամուլի խոսնակ Մարիամ Ծատրյանը՝ ընդգծելով, որ բուժառուին տրամադրվում է վիճակին համարժեք բուժօգնություն:

Մարիամ Ծատրյանի տեղեկացմամբ՝ նրա կյանքին սպառնացող ռիսկ չկա։ Կինը գտնվում է  բժիշկների հսկողության տակ, տրամադրվում է վիճակին համարժեք բուժօգնություն: Բարդություններ առկա չեն: