Ականատես ենք լինում խաղաղության պտուղներին. Ալիև

Ադրբեջանը լիովին վերականգնել է իր ինքնիշխանությունն ու տարածքային ամբողջականությունը և սկսել է խաղաղության օրակարգը Հայաստանի հետ, Ասիայի և Խաղաղօվկիանոսյան տարածաշրջանի ՄԱԿ-ի տնտեսական և սոցիալական հանձնաժողովի ութսուներկրորդ նստաշրջանում հայտարարել է Ադրբեջանի նախագահը:

Ալիևը նշել է՝ Հայաստանի և Ադրբեջանի միջև հարաբերությունների կարգավորման գործում պատմական առաջընթաց է գրանցվել անցյալ տարվա օգոստոսին ԱՄՆ նախագահ Դոնալդ Թրամփի կողմից կազմակերպված Վաշինգտոնի գագաթնաժողովում։

«Այսօր մենք ականատես ենք լինում խաղաղության պտուղներին։ Ադրբեջանի և Հայաստանի միջև առևտրային հարաբերությունները սկսվել են: Քաղաքացիական հասարակության ներկայացուցիչների փոխադարձ այցելությունները նպաստում են վստահության կառուցմանը»,- ասել է նա: