Ալիևը հայտարարել է Ադրբեջանի և Ռուսաստանի միջև հարաբերությունների լիակատար կարգավորման մասին

Ադրբեջանի և Ռուսաստանի միջև հարաբերությունների դժվարին շրջանը մնացել է ետևում. դրանք լիովին կարգավորվել են։ Այս մասին հայտարարել է Ադրբեջանի նախագահ Իլհամ Ալիևը՝ ելույթ ունենալով Շուշիում կայացած Գլոբալ մեդիա ֆորումի բացման ժամանակ, գրում է ՏԱՍՍ-ը։

«Կարևոր է, որ դժվարություններն այժմ մնացել է ետևում, և ես կասեի, որ հարաբերությունները լիովին կարգավորվել են», - ասել է Ալիևը։ Նա հավելել է, որ շփումները տեղի են ունենում տարբեր մակարդակներում՝ կառավարական մակարդակով, միջկառավարական հանձնաժողովի համանախագահների, արտաքին գործերի նախարարությունների և նախագահի աշխատակազմի մակարդակով։

«Այսպիսով, այս առումով, կարծում եմ, որ ամեն ինչ լավ է ընթանում, և մենք ուրախ ենք դրա համար», - ընդգծել է Ադրբեջանի ղեկավարը։ Նա նշել է, որ Ռուսաստանի և Ադրբեջանի միջև հարաբերությունները կարևոր են ինչպես երկկողմ, այնպես էլ ավելի լայն առումով։ «Դրանք ընդգրկում են ինչպես փոխգործակցության ավանդական ոլորտները, այնպես էլ նորերը, որոնք կարող են ի հայտ գալ։ Այստեղ շատ կարևոր դեր են խաղում տրանսպորտը, առևտուրը և հումանիտար համագործակցությունը», - հավելել է Ալիևը։