«Ալյանս» կուսակցությունը դուրս է գալիս ընտրապայքարից

«Ալյանս» առաջադիմական ցենտրիստական կուսակցությունը դիմում է ներկայացրել Կենտրոնական ընտրական հանձնաժողով՝ ընտրական ցուցակի գրանցումը չեղարկելու վերաբերյալ, այս մասին հայտնում է «Առաջին լրատվական»-ը:

Ինչպես հայտնել են ԿԸՀ-ից, կուսակցության դիմումը կքննարկվի դռնբաց նիստում։

Կուսակցության նախագահ Տիգրան Ուրիխանյանը «Հանրայինի» եթերում հայտարարել է, որ այն քաղաքական ուժերը, որոնք չունեն անցողիկ շեմը հաղթահարելու հնարավորություն, նպաստում են գործող իշխանության վերարտադրմանը։

Ուրիխանյանի խոսքով՝ «Ալյանս»-ը դուրս է գալիս ընտրապայքարից՝ ապացուցելով, որ իրական արտահամակարգային ընդդիմություն է։