«Ամեն ինչին մնացել են հաշված օրեր ».Գագիկ Ծառուկյան

Գագիկ Ծառուկյանը մեկնաբանել է  այն միտումը, որ վերջին շրջանում Նիկոլ Փաշինյանի կողմից հաճախ է ընդդիմադիր կուսակցությունների առաջնորդների հասցեին հնչում վիրավորական խոսքեր.

«Վիրավորանքներ հնչեցնելը խոսում է այն մասին, որ նրա գործերը լավ չեն: Այս ութ տարվա ընթացքում բոլորն էլ հիշում են նրա այն խոստումները, որ նա չի եկել հանձնելու Ղարաբաղը, ինքը եկելա կարգավորելու, ժողովրդի մատից փուշ հանելու, արագաչափերը փակելու: Ալիևին վիրավորելով՝ նա պատերազմ հրահրեց, եղավ պարտություն, զոհեր, հողեր հանձնել: Դրանից հետո նա սկսեց քծնել Ալիևին, որը մեր ժողովրդին չի սազում»,- ասել է Ծառուկյանը:

Անդրադառնալով Նիկոլ Փաշինյանի այն հայտարարությանը, թե Արարատի ցեմենտի գործարանը պետականացնելու են՝ Ծառուկյանն ասաց, որ որ ամեն ինչ ձեռք է բերել օրինական ճանապարհով և բացի այդ, նրա մոտ հարց առաջացավ, որ 25 տարի հետո նոր հիշել են այդ մասին:

«Այսօր մեր երկրի համար սպառնալիք են մնացել Փաշինյանը և Ալիևը: Ամեն ինչին մնացել են հաշված օրեր: Փաշինյանը հետևում է հարցումներին և նրա ներվերը չի հերիքում: Ինչը սկիզբ ունի, ունի նաև վերջ »,- եզրափակել է Գագիկ Ծառուկյանը: