Ամերիկայի հայկական համագումարը կոչ է անում ազատ արձակել Բաքվում բանտարկված բոլոր պատանդներին

Ամերիկայի հայկական համագումարը (Համագումար) ողջունում է ԱՄՆ-Հայաստան հարաբերությունների շարունակական ամրապնդումը և երկու երկրների միջև բարձր մակարդակի կայուն փոխգործակցությունը։

Համագումարը շարունակում է մտահոգված լինել Բաքվի կողմից Ադրբեջանում անօրինական կերպով բանտարկված բոլոր քրիստոնյա հայ պատանդներին ազատ արձակելու շարունակական մերժմամբ։ Միաժամանակ Բաքվին կոչ է անում
 անհապաղ ազատ արձակել  բանտարկված բոլոր քրիստոնյա հայ պատանդներին։ Եվ այս ամենը տեղի է ունենում ԱՄՆ պետքարտուղար Մարկո Ռուբիոյի Հայաստան այցին ընդառաջ։
Հիշեցնենք, որ նախկինում ԱՄՆ նախագահ Դոնալդ Թրամփը  հայտարարել էր, որ 120,000 քրիստոնյաներ սարսափելիորեն հալածվել և բռնի տեղահանվել են Արցախում։

Թրամփը նաև խոստացել էր պաշտպանել  հալածվող քրիստոնյաներին  և Սպիտակ տանը «Խաղաղության և միջպետական​​հարաբերությունների հաստատման» վերաբերյալ հանդիպման ժամանակ հանձն էր  առել անմիջապես նախագահ Ալիևի հետ քննարկել պատանդ պահվող քրիստոնյա հայերի ազատ արձակման հարցը։

 
Ամերիկայի հայկական համագումարը կոչ է անում Միացյալ Նահանգներին այս առումով դիմել համապատասխան գործողությունների։