ԱՄՆ-ի պատերազմը Իրանում մինչ օրս արժեցել է 25 միլիարդ դոլար

Չորեքշաբթի օրը Պենտագոնի բարձրաստիճան պաշտոնյաներից մեկը հայտարարել է, որ ԱՄՆ-ի պատերազմը Իրանում մինչ օրս արժեցել է 25 միլիարդ դոլար: Պաշտոնյան տվել է  հակամարտության համար ռազմական ծախսերի առաջին պաշտոնական գնահատականը։ Տեկեկությունը տարածում է «Reuters»-ը:

Միջանկյալ ընտրություններին մնացել է  ընդամենը վեց ամիս, իսկ նախագահ Դոնալդ Թրամփի հանրապետականները կարող են դժվարին պայքարի բախվել Ներկայացուցիչների պալատում՝ մեծամասնությունը պահպանելու համար:  Ի դեպ,  դեմոկրատները բարձր դիրքեր են զբաղեցնում հասարակական կարծիքի հարցումներում, քանի որ փորձում են Իրանի հետ կապված ոչ ժողովրդական պատերազմը կապել մատչելիության հետ:

Ներկայացուցիչների պալատի զինված ուժերի հանձնաժողովի առաջատար դեմոկրատ Ադամ Սմիթը պաշտոնյային ասել է.«Ուրախ եմ, որ պատասխանեցիք այդ հարցին։ Որովհետև մենք երկար ժամանակ հարցնում ենք, և ոչ ոք մեզ թիվը չի տվել»։

25 միլիարդ դոլարի արժեքը հավասար է NASA-ի այս տարվա ամբողջ բյուջեին։

Հիշեցնենք, որ Միացյալ Նահանգները սկսեցին հարվածներ հասցնել Իրանին փետրվարի 28-ին, և երկու կողմերն էլ ներկայումս պահպանում են փխրուն հրադադար։ Պենտագոնը տասնյակ հազարավոր լրացուցիչ ուժեր է ուղարկել Մերձավոր Արևելք, այդ թվում՝ տարածաշրջանում պահելով երեք ավիակիր։

Հակամարտության ընթացքում զոհվել է տասներեք ամերիկացի զինվոր, հարյուրավորները վիրավորվել են։

Հարկ է նշել,  որ Թրամփի ժողովրդականությունը կտրուկ անկում ապրեց ԱՄՆ-ի և Իսրայելի կողմից Իրանի դեմ պատերազմ սկսելուց հետո։

Ամերիկացիների միայն 34%-ն է հավանություն տալիս ԱՄՆ-ի և Իրանի հակամարտությանը, ինչը նվազում է ապրիլի կեսերի 36%-ի և մարտի կեսերի 38%-ի համեմատ, ցույց են տվել Reuters/Ipsos-ի վերջերս անցկացված հարցումը։