Անդրանիկ Թևանյանի կալանքը երկարաձգվել է ևս երկու ամսով

Անդրանիկ Թևանյանի փաստաբանը հայտնել է, որ Թևանյանի կալանքը երկարաձգվել է ևս երկու ամսով՝ միաժամանակ պարտավորեցնելով ապահովել նրա՝ քաղաքացիական հիվանդանոցում իր բժշկի մոտ բուժում ստանալու իրավունքը։  Պաշտպանը պնդել է, որ գործով քրեական վարույթի հիմքեր չկան, իսկ մեղադրանքը հիմնավորված չէ. «Անգամ իրավապահ մարմինները չեն կարողանում որոշել՝ խոսքը պետական գաղտնիքի՞, թե՞ այլ տեղեկատվության մասին է։ Մենք պահանջել ենք գաղտնագրման փաստաթղթերը, սակայն դրանք պարզապես չկան, հետևաբար որևէ տեղեկություն չի կարող համարվել պետական գաղտնիք»։ 

Հիշեցնենք, որ Անդրանիկ Թևանյանը մեղադրվում է պետական դավաճանության և լրտեսության հոդվածներով։

Ընդդիմադիր գործիչը իրեն առաջադրված մեղադրանքները չի ընդունում և քրեական հետապնդումը որակում է որպես քաղաքական։ Նրա պաշտպանները նշում են, որ մեղադրանքները հիմնավորված չեն բավարար ապացույցներով։