Արայիկ Հարությունյանը խոսել է ընտրությունների ընթացքի մասին

Ընթացող Խորհրդարանական ընտրություններին է անդրադարձել ՀՀ վարչապետի աշխատակազմի ղեկավար, «Քաղաքացիական պայմանագիր» կուսակցության նախընտրական քարոզարշավի շտապի պետ Արայիկ Հարությունյանը: Նրա գնահատմամբ ընտրություններն ընթանում են շատ լավ: 

Արայիկ Հարությունյանը տեղեկացրել է, որ իրենք արձանագրում են այն, որ որոշ գործընկերներ, որոշ լրատվամիջոցներ ավելորդ աժիոտաժ են ստեղծում ընտրությունների շուրջ և որ իրենք  գիտեն նաև դրա նպատակները, բայց ակնհայտ է, որ ահազանգերի մեծամասնությունը փաստահեն չէ, և բոլոր այն դեպքերում, որտեղ փաստերը կան թե՛ իրենք, թե՛ իրավապահներն արձագանքում են դրանց:

ՀՀ վարչապետի աշխատակազմի ղեկավարը տեղեկացրել  է, որ իրավական առումով արդեն մի քանի գործընթաց է սկսվել ընտրությունների լռության օրվա և քարոզչության արգելքների հետ կապված խախտումների վերաբերյալ։