Արձանագրում ենք հաղորդագրություններ բազմաթիվ խախտումների մասին.Պեսկով

Մոսկվան արձանագրում է հաղորդագրություններն այն մասին, որ Հայաստանում կայացած ընտրություններում եղել են բազմաթիվ խախտումներ։

Մոսկվան սպասում է ընտրությունների վերջնական արդյունքներին։ ՏԱՍՍԻ-ի հաղորդմամբ այս մասին հայտարարել  է Կրեմլի խոսնակ Դմիտրի Պեսկովը:

 «Մանրակրկիտ կերպով արձանագրվում են բոլոր այն հաղորդագրությունները, որոնք հայտնվում են այս ընտրությունների շուրջ։ Այդ թվում՝ մենք արձանագրում ենք նաև հաղորդագրություններն այն բազմաթիվ խախտումների մասին, որոնք տեղի են ունեցել այս ընտրությունների ընթացքում»,-ասել է Պեսկովը: