Արման Թաթոյանը վստահություն  է հայտնել, որ իրենք 2026-ի ընտրություններում հաղթահարելու են անցողիկ շեմը

Lրագրողների հետ ճեպազրույցում Արման Թաթոյանը վստահութուն  է հայտնել,  որ իրենք 2026-ի ընտրություններում հաղթահարելու են անցողիկ շեմը։

«Այս ընտրությունները մեր պետության ճակատագրի մասին են և քվեախցիկում ամբողջ իշխանությունն այդ պահին քաղաքացու ձեռքում է։ Մենք պետք է ընտրենք հանուն հույսի ու հավատի, մեր երկրի ապագայի, և մենք ինքներս որոշենք մեր ճակատագիրը՝ առանց վախերի»,-ասել է նա։

Արման Թաթոյանն ասել է, որ ինքը պատկերացնում է, թե ինչպես են պետությունները ձախողվում և ինչպես պետք է դա կանգնեցնել։

«Ես մատս ինչին դրել եմ, հաջողել եմ։ Ինձ ոչ մի այլ բան չի հետաքրքրում, քան իմ քաղաքացու ապահովությունը, վստահությունը, երիտասարդի համար ապահով ապագա ունենալը։ Ես եղել եմ Հայաստանում մարդու իրավունքների պաշտպանը, պաշտպանել եմ մեր քաղաքացիների շահերը և հիմա հանձնառու եմ լինել Հայաստանի իրավունքների պաշտպանը։ Հայաստանում չկա հարց, որը մենք չկարողանանք լուծել»,-ասել է Թաթոյանը։