Արմեն Գրիգորյանը և Հայաստանում ԵՄ նոր գործընկերության առաքելության պատվիրակությունը քննարկել են հետագա համագործակցության հարցեր
Հանդիպման ընթացքում կողմերը քննարկել են երկկողմ հետագա համագործակցությանն առնչվող հարցերի լայն շրջանակ։
ՀՀ Անվտանգության խորհրդի քարտուղար Արմեն Գրիգորյանն այսօր՝ հուլիսի 14-ին, ընդունել է Հայաստանում ԵՄ նոր գործընկերության առաքելության պատվիրակությանը՝ ԵՄ արտաքին գործողությունների ծառայության քաղաքացիական գործողությունների հրամանատար և կառավարող տնօրեն Ստեֆանո Տոմատի գլխավորությամբ։ Այս մասին հայտնում է ԱԽ գրասենյակը։
ԱԽ քարտուղարը ողջունել է նոր առաքելության ստեղծումն ու տեղակայումը Հայաստանում։ Նա բարձր է գնահատել վերջին տարիներին Եվրոպական միության կողմից Հայաստանին ցուցաբերվող բազմակողմ աջակցությունը, ինչպես նաև երկրի դիմակայունության ամրապնդմանն ու կարողությունների զարգացմանն ուղղված միջոցառումների իրականացումը։
Հանդիպման ընթացքում կողմերը քննարկել են երկկողմ հետագա համագործակցությանն առնչվող հարցերի լայն շրջանակ։
Արմեն Գրիգորյանը վստահություն է հայտնել, որ ԵՄ առաքելության և ՀՀ պետական գերատեսչությունների միջև ձևավորված սերտ փոխգործակցությունը կնպաստի առաքելության մանդատով սահմանված բոլոր խնդիրների լիարժեք ու արդյունավետ կատարմանը։
Կարդացեք նաև
Քաղաքականություն14 հուլիսի 2026
Բրյուսելում մեկնարկել է Բաքվում պահվող հայ գերիների հարցով համաժողով, որին մասնակցում է նաև Դավիթ Իշխանյանի որդին
ՀՅԴ Եվրոպայի Հայ Դատի գրասենյակից հայտնում են, որ համաժողովին ներկա է նաև Արցախի ԱԺ նախկին նախագահ, Բաքվում պատանդառված Դավիթ Իշխանյանի որդին։
Քաղաքականություն14 հուլիսի 2026
Վահագն Խաչատուրյանը շնորհավորական ուղերձ է հղել Էմանուել Մակրոնին
«Առանձնահատուկ գոհունակությամբ պետք է արձանագրեմ, որ Ձեր նախագահության օրոք Հայաստանի և Ֆրանսիայի միջև ձևավորված բացառիկ քաղաքական երկխոսությունն ու բազմոլորտ համագործակցությունը վերաճել են ռազմավարական գործընկերության»։
Քաղաքականություն14 հուլիսի 2026
Ալիևը հայտարարել է Ադրբեջանի և Ռուսաստանի միջև հարաբերությունների լիակատար կարգավորման մասին
Ըստ Ալիևի ՝ երկկողմ շփումները տեղի են ունենում տարբեր մակարդակներում։