Քաղաքականություն
2 հունիսի 2026 • 12:02
Աշխարհաքաղաքական շպագատ է․ Ռոբերտ Քոչարյանը՝ իշխանությունների քաղաքական ուղեգծի մասին
Ըստ նրա՝ այն, ինչ այսօր անում են իշխանությունները, լրջագույն խնդիրներ է առաջ բերելու գյուղատնտեսության համար։
Եթե երկրի արտաքին և տնտեսական քաղաքականությունները տարբեր ուղղություններով են վարվում, ապա վաղ թե ուշ հայտնվելու ես վտանգավոր իրավիճակում։ Այսօր Տավուշում նախընտրական քարոզարշավի ժամանակ այս մասին հայտարարել է Հայաստանի երկրորդ նախագահ, «Հայաստան» դաշինքի վարչապետի թեկնածու Ռոբերտ Քոչարյանը։
«Երկրի տնտեսական և արտաքին քաղաքականությունները չեն կարող տարբեր ուղղություններով գնալ, հայտնվելու ես շպագատի մեջ, այսինքն՝ մի քիչ վտանգավոր վիճակում, հատկապես, երբ վարժված չես, կարող է связка-ներից համար վատ լինել»,- ասել է Քոչարյանը՝ անդրադառնալով իշխանությունների վարած քաղաքականությանն ու ԵԱՏՄ հայտարարած սահմանափակումներին։
Ըստ նրա՝ այն, ինչ այսօր անում են իշխանությունները, լրջագույն խնդիրներ է առաջ բերելու գյուղատնտեսության համար։ Ռոբերտ Քոչարյանի կարծիքով՝ տպավորություն է, թե այս ամենն արվում է տեղական գյուղատնտեսությունը սպանելու և թուրքականի համար շուկա բացելու նպատակով։
Կարդացեք նաև
Քաղաքականություն2 հունիսի 2026
«Առոք-փառոք կգնանք մեր տները». Կարապետյանը վստահ է՝ փողոց դուրս գալու կարիք չի լինի, հաղթելու են
Դիտարկմանը, թե Ռոբերտ Քոչարյանն էլ էր 2021-ին համոզված, որ կհաղթի, «Ուժեղ Հայաստանի» առաջնորդը պատասխանեց․ «Քոչարյանն ասում էր՝ կրելու ենք, մենք ասում ենք՝ հաղթելու ենք»։
Քաղաքականություն2 հունիսի 2026
Պեսկովը հայտարարել է, որ Ուկրաինայի հետ հակամարտությունը կարող է ավարտվել մինչև օրվա վերջ, եթե Ուկրաինայի զինված ուժերը «լքեն Ռուսաստանի շրջանները»
Ռուս-ուկրաինական խաղաղության գործընթացը ներկայում կասեցված է, սակայն ԱՄՆ ներկայացուցիչների հետ շփումները շարունակվում են։
Քաղաքականություն2 հունիսի 2026
«Ռոսսելխոզնադզորը» սահմանափակում է Հայաստանից հնդավոր մշակաբույսերի, սմբուկի, կարտոֆիլի և չրերի ներմուծումը
«Ռոսսելխոզնադզորը» 2026 թ. հունիսի 3-ից արգելում է Հայաստանից հնդավոր պտուղների, սմբուկի, կարտոֆիլի և չրերի ներմուծումն ու տարանցումը դեպի ԵԱՏՄ երկրներ։