Աշխարհում ամենաբարձր ռազմական ծանրաբեռնվածություն ունեցող երկրների տասնյակում հայտնվել են Հայաստանն ու Ադրբեջանը

SIPRI-ի զեկույցում Հայաստանը և Ադրբեջանը հայտնվել են աշխարհում ամենաբարձր ռազմական ծանրաբեռնվածություն ունեցող երկրների տասնյակում: Այս մասին տեղեկությունը ստանում ենք«SIPRI» - ից: Համաձայն փորձագետների տվյալների, այս երկու երկրներում ռազմական ծախսերի մասնաբաժինը համախառն ներքին արդյունքում (ՀՆԱ) զգալիորեն գերազանցում է համաշխարհային միջին ցուցանիշը, որը 2025 թվականին կազմել է 2,5%:

SIPRI-ի վերլուծաբանները նշում են, որ Ադրբեջանը հայտնվել է  տարվա ընթացքում ռազմական բեռնվածության առավել զգալի աճ գրանցած երկրների շարքում՝ ավելացնելով այդ ցուցանիշը 1,4 տոկոսային կետով։ Հարկ է նշել, որ ռազմական ծախսերի ինտենսիվության համաշխարհային վարկանիշում Ադրբեջանը զբաղեցրել է 6-րդ հորիզոնականն աշխարհում։ Հանրապետության պաշտպանական ծախսերի մասնաբաժինը կազմել է ՀՆԱ-ի 6,5%-ը։ Նրան հաջորդում է Հայաստանը, որը համաշխարհային ցուցակում զբաղեցրել է 7-րդ հորիզոնականը՝ ՀՆԱ-ի 6,1% ցուցանիշով։

2025 թվականին ամենաբարձր ռազմական բեռնվածություն ունեցող երկրների առաջին հնգյակն ունի հետևյալ տեսքը. Ուկրաինա՝ 40%, Ալժիր՝ 8,8%, Իսրայել՝ 7,8%, Ռուսաստան՝ 7,5%, Սաուդյան Արաբիա՝ 6,5%: