Աստանայում Մհեր Գրիգորյանը վերահաստատել է Հայաստանի հանձնառությունը ԵԱՏՄ շրջանակում համագործակցությանը

«Մենք բազմիցս վերահաստատել ենք Հայաստանի հանձնառությունը՝ փոխշահավետ համագործակցության Եվրասիական տնտեսական միության շրջանակում՝ մեր երկրների և ամբողջ տարածաշրջանի տնտեսական կայունության ու կայուն զարգացման ապահովման շահերից ելնելով։

Հայաստանի Հանրապետությունը մտադիր է նաև առաջիկայում բարեխղճորեն մասնակցել միության աշխատանքներին՝ հիմնվելով փոխադարձ հարգանքի, հավասար գործընկերության և ԵԱՏՄ անդամ բոլոր պետությունների ազգային շահերի հաշվառման վրա», — ասել է ՀՀ փոխվարչապետ Մհեր Գրիգորյանը Աստանայում ԵԱՏՄ գագաթնաժողովի ժամանակ։