Ազգային ժողովի նախագահ Ալեն Սիմոնյանը խորհրդարանի ամբիոնից հանդես է եկել վերջին ելույթով

Ազգային ժողովի նախագահ Ալեն Սիմոնյանը խորհրդարանի ամբիոնից հանդես է եկել վերջին ելույթով՝ շնորհակալություն հայտնելով պատգամավորներին և ԱԺ աշխատակազմին համատեղ աշխատանքի համար։

«Պատմություն կերտեցինք միասին, և ես անկեղծ շատ հպարտ եմ։ Հպարտ եմ, որ միասին աշխատել ենք, հպարտ եմ, որ այդ ծանր բաների միջով միասին ենք անցել»,- ասել է Սիմոնյանը։

Ալեն Սիմոնյանը մեծ կարևորություն է տվել նաև ԱԺ-ի միջազգային գործունեությունը՝ նշելով, որ համատեղ իրականացված այցերը, բանակցությունները և հանդիպումները պատմական նշանակություն են ունեցել։ Եվ չնայած անցած տարները լի են եղել դժվարություններով, սակայն կուսակիցների նկատմամբ հավատն եղել է անսասան։

 Սիմոնյանը շնորհակալություն է հայտնել պատգամավորներին և հաջողություն է մաղթել ԱԺ նախագահի թեկնածու Ռուբեն Ռուբինյանին:

«Պարոն Ռուբինյանին՝ իմ ընկերոջը, հաջողություն եմ մաղթում։ Թող ինքը լինի երկրորդ Ազգային ժողովի նախագահը, որը կայուն հինգ տարի կունենա Ազգային ժողովում»,- ասել է Ալեն  Սիմոնյանը։