Քաղաքականություն
15 մայիսի 2026 • 09:06
«Բոլորին դեմ եմ» կուսակցությունն առաջարկում է 100–օրյա իշխանություն և նոր ընտրություններ
Նինա Կարապետյանցի խոսքով՝ իրենք առաջարկում են իրենց տալ ընդամենը 100-օրյա իշխանություն, որը կօգտագործվի ընտրակարգում փոփոխություններ անելու և նոր ընտրություններ կազմակերպելու համար։
Խորհրդարանական ընտրություններին առաջադրված «Բոլորին դեմ եմ» կուսակցությունը կարծում է, որ հունիսի 7-ի ընտրություններում առաջադրված ուժերից որևէ մեկը չի կարող ունենալ կայուն մեծամասնություն։
Միևնույն ժամանակ ուժի վարչապետի թեկնածու Նինա Կարապետյանցն Աջափնյակում քարոզարշավի ժամանակ վստահեցրեց՝ իրենք հաղթահարելու են անցողիկ շեմն ու բանակցություններ են սկսելու մյուս քաղաքական ուժերի հետ։
«Մենք քաղաքական առևտրով չենք զբաղվելու, այլ գալիս ենք կոնկրետ ծրագրով։ Մեր վարչապետի թեկնածուն 100 օրվա ընթացքում իրականացնելու է մեր նախանշած փոփոխությունները. անցողիկ շեմը դարձնելու է 1 տոկոս, որպեսզի դաշտ մտնեն նաև թարմ քաղաքական ուժեր, քանի որ հին ուժերով, որոնք արդեն ունեն իրենց հստակ էլեկտորատը, նոր բան ստեղծել հնարավոր չէ։
Պետք է հանել կայուն մեծամասնության կետը, քանի որ այն լուրջ խնդիրներ է առաջացնում, ինչպես նաև ավելացնել «Բոլորին դեմ եմ» քվեաթերթիկը, որպեսզի մարդիկ մասնակցեն ընտրություններին ու արտահայտեն իրենց կամքը»,– ասել է Կարապետյանցը։
Նինա Կարապետյանցի խոսքով՝ իրենք առաջարկում են իրենց տալ ընդամենը 100-օրյա իշխանություն, որը կօգտագործվի ընտրակարգում փոփոխություններ անելու և նոր ընտրություններ կազմակերպելու համար։
Կարդացեք նաև
Քաղաքականություն16 սեպտեմբերի 2026
Փաշինյանը՝ խոսել է Գանձասարի վերաբերյալ Հաջիևի հայտարարությունների մասին
«Մենք հեշտությամբ կարող ենք խաղաղությունը փլուզել, բայց նորից այս կետին հասնելու համար 30 տարի պետք է լինելու։ Այնպես որ, եկեք ընտրենք։ Մենք կատարել ենք մեր ընտրությունը»
Քաղաքականություն16 սեպտեմբերի 2026
Հաջիևի հետ մենք մշտապես կոնտակտի մեջ ենք, ինքն ունի իմ համարը, ես իրենը.Ալեն Սիմոնյան
«Մենք մշտապես ասել ենք, որ խաղաղությանը պետք է խնամքով վերաբերվել, և սա այն դեպքն է, որ դա պետք է ի ցույց դնել»:
Քաղաքականություն16 սեպտեմբերի 2026
Իր խոսքում Բայրամովը չի շեշտել՝ TRIPP-ի վերահսկողություն արտահայտությունը
Նա ասել է․ «Թեև սա համարվում է Հայաստանի տարածք, մուտքն ու ելքը կիրականացվեն Ադրբեջանից»։