Բոլորն էլ գիտեն, որ Ալիևի պահանջով են ուզում փոխել Սահմանադրությունը.Նարեկ Կարապետյան

Ուժեղ Հայաստան» խմբակցության ղեկավար Նարեկ Կարապետյանն այսօր անդրադարձել է Նիկոլ Փաշինյանի այն  հայտարարությանը, որ եթե չհաջողվի խորհրդարանի ընդդիմադիր գործընկերներին համոզել, փոխել սահմանադրությունը, ապա կգնան արտահերթ ընտրությունների:

Այս առիթով Նարեկ Կարապետյանն ասել է. «Եթե համոզել ասելով իրենք ի նկատի ունեն այն, որ մոտակա ժամանակներին մեր աջակիցներին, մեր ընկերներին, մեր թիմակիցներին, մեր հայացքները կիսողներին կալանավորելու են և փորձեն այդպես ինչ-որ ձևով մեզ բերել համոզելու դաշտ, մենք չենք համոզվի այդպես։

Ինչ վերաբերվում է մեր դիրքորոշմանը, մեր դիրքորոշումը պարզ է. Ալիևը չպետք է ասի՝ մեր երկրում Սահմանադրությունը փոխվի, թե չէ։ Եթե իշխանությունն ասում է՝ Ալիևի ասելով չի, թող Ալիևին ասեն՝ «ոչ»։ Իրենց ամբողջ պրոցեսը դրա մասին է, բոլորն էլ գիտեն, որ Ալիևի պահանջով է, որ Բայրամովը ամեն օր գրում է դրա մասին, Հաջիևը ամենուր գրում է դրա մասին»։