Չեխիան ցանկանում է գազ գնել Ադրբեջանից

Ադրբեջանում է Չեխիայի գործարարների պատվիրակությունը, վարչապետ Անդեյ Բաբիշի գլխավորությամբ: Բաքվում հանդիպել են  նախագահ Իլհամ Ալիևը և Չեխիայի վարչապետ Անդեյ Բաբիշը: Այս մասին հայտնում են ադրբեջանական ԶԼՄ -ները: 

Հանդիպման ընթացքում Չեխիայի վարչապետը անդրադարձել  է Ադրբեջանի և Չեխիայի ջերմ բարեկամական հարաբերություններին, ինչպես նաև ասել, որ  Ադրբեջանը Չեխիայի ռազմավարական գործընկերն է: Եվ քանի որ ըստ Բաբիշի  Ադրբեջանն էներգառեսուրսներ մատակարարող երկիր է, Պրահայի նպատակն է գազ գնել այդ հանրապետությունից: Այս առումով Չեխիան նպատակ ունի երկարաժամկետ գազամատակարարման պայմանագիր կնքել Ադրբեջանի հետ:

Հանդիպումից հետո կայացել է մամուլի ասուլիս, որի ընթացքում կողմերը ընդգծել են  համագործակցության ընդլայնման լայն հնարավորությունները քաղաքական, տնտեսական և էներգետիկ ոլորտներում: