Չենք բացառում Սամվել Կարապետյանի հետ համագործակցությունը․ Ժիրայր Սեֆիլյան

Մոտ ապագայում ընտրություններ կունենանք։ Այս մասին Factor.tv-ին տված հարցազրույցում ասել է «Ազգային Ժողովրդավարական բևեռ»-ի (ԱԺԲ) համահիմնադիր Ժիրայր Սեֆիլյանը։

«Բոլորս հիշում ենք, երբ 2017 թվականին Սերժ Սարգսյանը շռնդալից հաղթանակ տարավ, շատերը կարծում էին, թե 5 տարի կմնա իշխանության, բայց ամիսներ անց Սերժ Սարգսյանի իշխանությունը տապալվեց։ Նույնը կարող է կրկնվել հիմա, և Փաշինյանը ամիսներ անց կարող է հեռանալ»,–ասել է Սեֆիլյանը։

Խոսելով առաջիկա անելիքների մասին, Սեֆիլյանը նշել է, որ չի բացառում Սամվել Կարապետյանի հետ համագործակցությունը․ «Եթե ընդդիմությունը ճիշտ օրակարգ ձևավորի, չենք բացառում համագործակցությունը։ Սամվել Կարապետյանի ուժը կարող է զսպել թուրքական էքսպանսիան»։