Չնայած փորձություններին՝ Հայաստանն ամրապնդել է ժողովրդավարությունը

Հայաստանն ամրապնդել է ժողովրդավարությունը՝ չնայած փորձություններին: Այս մասին հայտարարեց Ֆրանսիայի նախագահ Էմանուել Մակրոնը՝ ՀՀ-Ֆրանսիա ռազմավարական գործընկերության հռչակագիրը ստորագրելուց հետո:

Ֆրանսիայի նախագահի գնահատմամբ՝  ՀՀ-ն վճռականորեն շարժվում է դեպի Եվրոպա: Ըստ նրա՝ Հայաստանը միշտ եղել է եվրոպական ընտանիքի լիիրավ անդամ:

«Այդ առաջընացը եվրոպական քաղաքականության ոլորտում այս վերջին երկու օրերին ինձ համար ակնհայտ է: Այս ամենը  հնարավոր չէր պատկերացնել ութ  տարի առաջ, այսինքն՝ կազմակերպել Եվրոպական քաղաքի հանդիպում, կազմակերպել ՀՀ-ԵՄ գագաթնաժողով»,- շեշտեց Մակրոնը: