Չպետք է թողնենք, որ մեր մարդիկ արտագաղթեն, պետք է  աջակցենք բազմազավակ ընտանիքներին․Արման Թաթոյան

Գեղարքունիքի մարզի Ներքին Գետաշեն գյուղում ընտրողների հետ հանդիպման ժամանակ  «Միասնության թևեր» կուսակցության վարչապետի թեկնածու Արման Թաթոյանն ասել է, որ պաշտոնյան պետք է մտածի ժողովրդի կյանքը բարելավվելու մասին և ոչ թե իր կյանքը։

«Մենք մեր մարզերում, գյուղերում բնակչությունը պետք է շատացնենք։ Չպետք է թողնենք, որ մեր մարդիկ արտագաղթեն, պետք է  աջակցենք բազմազավակ ընտանիքներին։ Դրա համար չորրորդ երեխայից սկսած՝ պետությունը բազմազավակ ընտանիքներին պետք է տա անվճար բնակարան մարզում։

 Մենք այսպես պետք է մտածենք՝ այդ երեխեքը մեր ապագա զինվորներն են, մեր ապագա բժիշկներն են, մեր ապագա ուսուցիչներն են։ Եթե փոխում ենք տրամաբանությունը, լրիվ հարցերը փոխվում են՝ ոչ թե մարդն է աշխատում պետության համար, այլ պետությունն է աշխատում մարդու համար»,- ասել է Արման Թաթոյանը։