ԵԱՏՄ երկրների ղեկավարները հայտարարություն են ընդունել Հայաստանի վերաբերյալ

ԵՏՄ երկրների ղեկավարները հայտարարություն են ընդունել Հայաստանի վերաբերյալ։ Այս մասին հայտարարել է Ռուսաստանի նախագահի օգնական Յուրի Ուշակովը։

 Աստանայում այսօր անցկացվում է Եվրասիական տնտեսական բարձրագույն խորհրդի նիստը՝ նեղ և ընդլայնված կազմերով։ Մասնակցում են ԵՏՄ երկրները՝ Ռուսաստանը, Ղազախստանը, Բելառուսը, Ղրղզստանը և Հայաստանը, ինչպես նաև դիտորդ պետություններ՝ Ուզբեկստանը, Կուբան և Իրանը։

«Չորս առաջնորդների կողմից հայտարարություն է ընդունվել»,- լրագրողներին ասել է Ուշակովը՝ հավելելով, որ այն կհրապարակվի։ Նա նաև նշել է, որ Հայաստանի փոխվարչապետը փաստաթուղթը կտանի Երևան: