ԵԱՏՄ-ից ոչ միայն դուրս չենք գալու, այլև պատրաստվում ենք մեր լծակներն օգտագործել ՀՀ-ի տնտեսական շահերը պաշտպանելու համար

Մենք ասում ենք՝ ԵԱՏՄ-ից ոչ միայն չենք պատրաստվում դուրս գալ, այլև պատրաստվում ենք մեր լծակներն ու ներգրավվածությունն օգտագործել՝ մեր երկրի տնտեսական շահերը պաշտպանելու համար, այս մասին ասել է ՀՀ վարչապետ Նիկոլ Փաշինյանը՝ ճեպազրույցի ընթացքում պատասխանելով լրագրողի հարցին։

«Ինչ վերաբերում է արտահանմանն ու ներմուծմանը՝ այս դեպքում էլ մենք դիվերսիֆիկացվում ենք, և դա նոր չի սկսվել։ Եթե հետևեք մեր վիճակագրությանը, կտեսնեք, որ մեր արտահանումները տարբեր ուղղություններով ընդհուպ կրկնապատկվել են։

Ես շատ ուրախ եմ, որ Ախալքալաք-Կարս երկաթուղին է բացվել Հայաստանով արտահանումների համար, նաև առաջիկայում բիզնես պատվիրակություններ են գնալու հանդիպելու՝ այդ երկաթգծի երկայնքով հնարավոր շուկաներն ուսումնասիրելու»,-ասել է նա։