ԵՄ-ի կողմից տրամադրվող վարկի առաջին մասը Ուկրաինան կստանա մայիսի կեսերից

Եվրամիությունը պաշտոնապես հաստատել է Ուկրաինային խոստացված 90 միլիարդ եվրոյի վարկը, իսկ դրա առաջին մասնաբաժնի վճարումը Եվրամիությունը պատրաստ է սկսել մայիսի կեսերից:  Այս մասին ապրիլի 23-ին հայտարարել է Ֆրանսիայի ԱԳ նախարար Ժան Նոել Բարոն: Այս մասին հայտնում է «Առաջին լրատվական»-ը:

«Մենք պատրաստ ենք մայիսի կեսերից առաջին մասնաբաժինները տրամադրել հենց որ վերջնական համաձայնության հասնենք, ինչն առաջիկա ժամերին կամ օրերին պետք է տեղի ունենա հունգարական վետոյի վերացման շնորհիվ», – ասել է Բարոն։

Կիևին առաջին մասնաբաժինը Եվրահանձնաժողովը պատրաստ էր փոխանցել ապրիլի սկզբին, սակայն Բուդապեշտը փողերը հատկացնելու որոշումն արգելափակեց այն բանից հետո, երբ Ուկրաինան դադարեցրեց Հունգարիա և Սլովակիա նավթի մղումը «Դրուժբա» խողովակաշարով։ Հունգարիան հայտնել էր, որ մատակարարումները վերսկսելու դեպքում կդադարեն խոչընդոտել վարկի հատկացմանը, բայց իրենք չեն մասնակցի դրա ապահովմանը։