ԵՄ-ին Հայաստանի անդամակցության հարցերը անորոշություն են ստեղծում ներդրողների համար. Ալեքսեյ Օվերչուկ

«ՏԱՍՍ»-ից տեղեկանում ենք , որ ՌԴ փոխվարչապետ Ալեքսեյ Օվերչուկը հայտարարել է, որ Եվրոպական միությանը անդամակցելու Հայաստանի ծրագրերի շուրջ ստեղծված իրավիճակը անորոշություն է ստեղծում նաև ներդրողների համար:

«Գիտեք, իհարկե, իրավիճակը, որն այժմ ստեղծվել է, այն շատ մեծ անորոշություն է ստեղծում այդ թվում նաև ներդրողների համար»,- նշել է նա՝ պատասխանելով այն հարցին, թե արդյոք ԵՄ-ին անդամակցելու Երևանի ծրագրերի ֆոնին տեղի է ունենում Հայաստանի և Ռուսաստանի միջև ներդրումների կրճատում: