Երբ խոսում ենք Վրաստանում կապակցելիության գործառույթի զարգացման մասին, իհարկե, այստեղ Հայաստանին շատ մեծ նշանակություն է տրվում․Կոբախիձե

Վրաստանի վարչապետ Իրակլի Կոբախիձեն լրագրողների հետ զրույցում, պատասխանելով Բաքու-Թբիլիս-Կարս նախագծին Հայաստանի հնարավոր ներգրավման մասին հարցին, հայտարարել է․

 «Երբ խոսում ենք Վրաստանում կապակցելիության գործառույթի զարգացման մասին, իհարկե, այստեղ Հայաստանին շատ մեծ նշանակություն է տրվում, և մենք, անշուշտ, պատրաստ ենք առավելագույնս խորացնել մեր հարաբերություններն ու գործընկերությունը մեր հայ ընկերների հետ, այդ թվում՝ տարանցիկ գործառույթի զարգացման ուղղությամբ։ Մեր կողմից կլինի առավելագույն ակտիվություն այս ուղղությամբ»։