Էրդողանը խոսել է տարածաշրջանում Թուրքիայի դերակատարության մասին

Թուրքիայի նախագահ Ռ․ Թ․ Էրդողանը մասնակցելով  երկրի պաշտպանության նախարարության շենքում կազմակերպված միջոցառմանը անդրադարձել է  կատարել տարածաշրջանում Թուրքիայի դերակատարությանը և նշել․

«Մենք մեր նախնիների ժառանգությունը լավագույն ձևով պահպանում և շարունակում ենք։ Մենք բուժում ենք մեր հոգևոր աշխարհագրության արյունահոսող վերքերը և առաջատար դեր ենք ստանձնում երկխոսության ուղիները բաց պահելու գործում։ Բալկաններից մինչև Կովկաս, Մերձավոր Արևելքից մինչև Աֆրիկա՝ մենք գործադրում ենք բոլոր հնարավոր ջանքերը, որպեսզի խաղաղությունն ու հանգստությունը լինեն մնայուն։

Նույն կերպ մենք շատ ուժեղ ներկայություն ենք ցուցաբերում նաև այն միջազգային դաշինքներում, որոնց անդամ ենք։ Ինչպես գիտեք, երկու օր առաջ մենք հաջողությամբ հյուրընկալեցինք ՆԱՏՕ-ի առաջնորդների գագաթնաժողովը Անկարայում։ Փոփոխվող անվտանգության պայմանների համատեքստում մենք Թուրքիայում քննարկեցինք դաշինքի ապագան։ Որպես ՆԱՏՕ-ի հարավարևելյան թևի պատասխանատվությունը կրող երկիր՝ ներկայիս օրակարգի վերաբերյալ մեր գնահատականներով կիսվեցինք մեր դաշնակիցների հետ։ Հուսով ենք, որ Անկարայի գագաթնաժողովը կնպաստի մեր տարածաշրջանում և աշխարհում խաղաղության և կայունության հաստատմանը»։