Էրդողանն ու Ալիևը Բիշքեկում քննարկել են հայ-ադրբեջանական խաղաղության գործընթացը

Բիշքեկում՝ Շանհայի համագործակցության կազմակերպության գագաթնաժողովի շրջանակում, տեղի է ունեցել Թուրքիայի նախագահ Ռեջեփ Թայիփ Էրդողանի և Ադրբեջանի նախագահ Իլհամ Ալիևի հանդիպումը։ Այս մասին հայտնում է «Անադոլու» գործակալությունը՝ վկայակոչելով Թուրքիայի նախագահի աշխատակազմի հաղորդակցության վարչությունը։

 

Անդրադառնալով Հայաստանի և Ադրբեջանի միջև հարաբերությունների կարգավորմանը՝ Էրդողանը հայտարարել է, որ Թուրքիան կշարունակի նպաստել խաղաղության գործընթացին՝ ընդգծելով, որ տարածաշրջանային խաղաղությունը նոր թափ կհաղորդի ընդհանուր զարգացմանը։

 

Թուրքիայի նախագահն ընդգծել է էներգետիկայի, ենթակառուցվածքների և տրանսպորտի ոլորտներում համատեղ քայլերի կարևորությունը՝ նշելով, որ «մեկ ազգ, երկու պետություն» սկզբունքով հարաբերությունների խորացումը բխում է երկու երկրների շահերից։

 

Հանդիպման ընթացքում Էրդողանը Ալիևին հրավիրել է մասնակցելու Անթալիայում կայանալիք COP31 գագաթնաժողովին։