Եվրահանձնակատար Մարտա Կոսը շնորհավորել է Փաշինյանին ընտրություններում հաղթանակի կապակցությամբ

Եվրամիության ընդլայնման հարցերով հանձնակատար Մարտա Կոսը շնորհավորել է ՀՀ վարչապետ Նիկոլ Փաշինյանին ընտրություններում ունեցած հաջողության կապակցությամբ, այս մասին նա գրել է X-ի իր էջում։

Նա նշել է, որ Ռուսաստանի կողմից ճնշումների և միջամտության պայմաններում ընտրությունների արդյունքները վերահաստատել են հայ ժողովրդի ընտրությունը՝ հօգուտ ուժեղ, ինքնիշխան և անկախ Հայաստանի։

Կոսը նաև հայտարարել է, որ հնարավորինս շուտ կայցելի Հայաստան և ընդգծել, որ Եվրոպայի համերաշխությունը Հայաստանի հետ անսասան է։

Նրա խոսքով՝ մեկնարկում է նաև ԵՄ–Հայաստան նոր աշխատանքային խմբի գործունեությունը, որի նպատակն է խորացնել երկկողմ գործընկերությունը։