Ֆրանսիայում ՀՀ դեսպանության բացումը

 Փարիզում Հայաստանի և Ֆրանսիայի ԱԳ նախարարների մասնակցությամբ տեղի է ունեցել Ֆրանսիայում Հայաստանի դեսպանության նոր շենքի բացման հանդիսավոր արարողությունը, հայտնում են ՀՀ ԱԳՆ-ից: 

 Միրզոյանն իր ելույթում ասել է, որ այս օրը նշանակալից է ոչ միայն Հայաստանի դիվանագիտական ներկայության ամրապնդման, այլև Հայաստանի և Ֆրանսիայի` ավելի ու ավելի ամրապնդվող բարեկամության տեսանկյունից։

 Ֆրանսիայի ԱԳ նախարար Ժան-Նոել Բարոն իր խոսքում նշել է․ «Այս իրադարձությունը վկայությունն է առ այն, որ մեր երկու երկրները ընտրել են վճռականությամբ և վստահությամբ միասին քայլել դեպի ապագա: Հայաստանի համարձակ հանձնառությունը՝ Ադրբեջանի հետ խաղաղության հաստատման ուղղությամբ, բացել է նոր հորիզոն՝ Հարավային Կովկասում խաղաղության, անվտանգության և բարգավաճման ճանապարհին»։