Գագիկ Ծառուկյանը դատական հայց է ներկայացրել Նիկոլ Փաշինյանի դեմ. նա պահանջում է հերքում և 3 մլն դրամ
Բացի այդ, վիճարկվում է նաև այն պնդումը, թե ԲՀԿ առաջնորդն օտարերկրյա հատուկ ծառայությունների ցուցումով է Անդրանիկ Թևանյանին ներառել կուսակցության ընտրական ցուցակում։
«Բարգավաճ Հայաստան» կուսակցության առաջնորդ Գագիկ Ծառուկյանը քաղաքացիական հայց է ներկայացրել ՀՀ վարչապետ Նիկոլ Փաշինյանի դեմ՝ զրպարտություն համարվող տվյալները հերքելու և բարի համբավի արատավորման համար փոխհատուցում տրամադրելու պահանջով։ Այս մասին տեղեկանում ենք Դատալեքս դատական տեղեկատվական համակարգ:
Հայցվոր կողմը դատարանից պահանջում է պարտադրել վարչապետին հրապարակայնորեն հերքել Ծառուկյանի հասցեին հնչեցրած հայտարարությունները, որոնցում նրան անվանել էր «շպիոն», «լրտես» և «գործակալ»։
Բացի այդ, վիճարկվում է նաև այն պնդումը, թե ԲՀԿ առաջնորդն օտարերկրյա հատուկ ծառայությունների ցուցումով է Անդրանիկ Թևանյանին ներառել կուսակցության ընտրական ցուցակում։
Ըստ հայցադիմումի՝ նշված հայտարարությունները զրպարտություն են և արատավորում են գործարարի ու քաղաքական գործչի բարի համբավը։
Որպես պատճառված վնասի փոխհատուցում՝ Գագիկ Ծառուկյանը Նիկոլ Փաշինյանից պահանջում է նաև 3 միլիոն դրամ։
Կարդացեք նաև
Քաղաքականություն3 հունիսի 2026
Եվրոպան պետք է ավելի մեծ աջակցություն ցուցաբերի Հայաստանին. Զելենսկի
Վոլոդիմիր Զելենսկին հայտարարել է, որ Եվրոպան պետք է մեծացնի աջակցությունը Հայաստանի կատմամբ՝ ընդգծելով երկրի քաղաքացիների՝ սեփական ապագան ազատ ընտրելու իրավունքը։
Քաղաքականություն3 հունիսի 2026
Շոյգուն հայտարարել է, որ Հայաստանի ինտեգրումը Եվրամիության հետ նշանակում է խզում ԵԱՏՄ-ից և Ռուսաստանից
ՌԴ Անվտանգության խորհրդի քարտուղար Սերգեյ Շոյգուն հայտարարել է, որ Հայաստանի՝ Եվրոպական միության հետ ինտեգրումը կհանգեցնի Եվրասիական տնտեսական միությունից և Ռուսաստանից հեռացման՝ զգուշացնելով, որ դա կարող է տնտեսական դժվարություններ առաջացնել երկրի համար։
Քաղաքականություն3 հունիսի 2026
Հայ-ռուսական հարաբերություններում անցողիկ ճգնաժամ է․ Դավիթ Տոնոյան
Նա անդրադարձավ նաև բազմիցս քննարկման առարկա դարձած Սու 30-ներին՝ նշելով, որ վստահ է՝ պարկը պետք է շարունակել թարմացնել։