Գագիկ Ծառուկյանը հայտարարություն է տարածել «Կենտրոն» ՔԿՀ-ից՝ կալանքի ժամկետի երկարաձգման վերաբերյալ

 «Բարգավաճ Հայաստան» կուսակցության առաջնորդ Գագիկ Ծառուկյանը «Կենտրոն» քրեակատարողական հիմնարկից հայտարարություն է տարածել՝ անդրադառնալով դատարանի որոշմանը, որով նրա կալանքի ժամկետը երկարաձգվել է ևս երկու ամսով։

Ծառուկյանը նշել է, որ այլ սպասումներ չուներ, և ընդգծել է, որ ազատությունն իր համար առաջին հերթին ընտանիքի, ընկերների ու թիմակիցների հետ շփումն է, շինհրապարակներում աշխատելն ու երկրում նոր ծրագրեր կյանքի կոչելը։ «Սողոմոն Իմաստունի մատանուն գրված էր․ «Սա էլ կանցնի»։ Իհարկե կանցնի»,- գրել է նա՝ հավելելով, որ անազատության մեջ գտնվելու օրերը կորսված չի համարում և շնորհակալություն է հայտնում իրեն աջակցող քաղաքական, հասարակական գործիչներին ու քաղաքացիներին։