Գագիկ Ծառուկյանի ձիերի և փասիանների առգրավումը հետաձգվեց

Գագիկ Ծառուկյանի ձիերի և փասիանների առգրավումը հետաձգվեց, լրագրողների հետ զրույցում հայտնել է ԲՀԿ առաջնորդ Գագիկ Ծառուկյանի փաստաբանական խմբի անդամ Հովհաննես Վարդանյանը: 

Որոշումը դեռ հուլիսի 10-ին է կայացվել, սակայն տեխնիկական խնդիրներ էին առաջացել։ «Այսօր պետք է առգրավեին, բայց մեզ համար անհասկանալի պայմաններում դեռևս դա չի արվում ու չգիտենք՝ ինչու։ Մենք այժմ բողոքարկում ենք դատավարական կարգով քննիչի կայացրած որոշումը, քանի որ դրանք համարվում են ընտանի կենդանիներ և որևէ քրեական վարույթի առարկա չեն կարող հանդիսանալ: Պետք է առգրավեին 11 ձի և 1 պոնի»,–նշել է փաստաբանը։

Ավելի վաղ Ծառուկյանի տնից 3 առյուծ և 1 վագր քնեցված վիճակում տեղափոխել էին Երևանի կենդանաբանական այգի, առյուծներից մեկն անկել էր։