Հակակոռուպցիոն կոմիտեի նպատակն է գցել ընտրական մասնակցության շեմը. Մարուքյան

«Չգիտեմ` նկատեցիք, թե չէ` Փաշինյանը, դիմելով ներկա գտնվող մի շարք ուժերի, ասում էր, որ բազմիցս քննարկել են, թե ինչպես պետք է մի շարք այլ քաղաքական ուժերի հանեն ընտրապայքարից։ Միաժամանակ Փաշինյանն ասում է, որ դա ինքը չի անի, այլ թող մյուս ուժերը գնան, դիմեն ԿԸՀ. եթե ինքը դա անի, կասեն` վախեցավ։ Լույսը բացվել է, ՀՀ հակակոռուպցիոն կոմիտեում քննարկվում է այդ պրոցեսը, ու չի բացառվում, որ կոմիտեն գործընթաց սկսի` երեկվա բանավեճի մասնակիցներից որևէ մեկին հանելու համար ընտրապայքարից։ Ինչի՞ համար են դա անելու. նրանք տեսնում են, որ նաև մեր շնորհիվ ընտրական մասնակցությունն աճել է ու շատ բարձր է»,– ասել է Մարուքյանը։