«Հանրապետություն» կուսակցությունը շնորհավորել է ՔՊ-ին և գնահատել ընտրությունների արդյունքները

«Հանրապետություն» կուսակցությունը շնորհավորել է «Քաղաքացիական պայմանագիր» կուսակցությանը և նրա նախագահ Նիկոլ Փաշինյանին՝ ընտրություններում համոզիչ հաղթանակի կապակցությամբ, այս մասին հայտարարել է «Հանրապետություն» կուսակցությունն իր ֆեյսբուքյան էջում։

Կուսակցությունը միաժամանակ ափսոսանք է հայտնել, որ խորհրդարանի քաղաքական պատկերը էական փոփոխություններ չի կրել՝ նշելով, որ հասարակության մեջ դեռ շարունակվում է Ռուսաստանի նկատմամբ վերաբերմունքի վերաիմաստավորման գործընթացը։

Հայտարարության մեջ ընդգծվում է, որ կուսակցությունը շարունակելու է պայքարը Հայաստանի ինքնիշխանության, ժողովրդավարության և եվրոպական ինտեգրման ուղղությամբ՝ ընդգծելով, որ հասարակության գիտակից հատվածը դիմակայել է արտաքին ազդեցություններին։

«Հանրապետություն» կուսակցությունը շնորհակալություն է հայտնել իրեն ձայն տված քաղաքացիներին և վստահեցրել, որ խորհրդարանից դուրս լինելը չի խանգարի շարունակել քաղաքական գործունեությունը։

Հայտարարության վերջում կուսակցությունը շնորհավորել է Հայաստանը և մաղթել հաջողություններ։