Հայ-վրացական խորհրդակցություններ Թբիլիսիում

Ապրիլի 2-ին Թբիլիսիում անցկացվել է Հայաստանի և Վրաստանի արտաքին գործերի նախարարությունների միջև երկկողմ քաղաքական խորհրդակցությունների հերթական փուլը, հայտնում է Վրաստանի ԱԳՆ-ն։

Վրացական պատվիրակությունը գլխավորում էին երկու երկրի  արտգործնախարարների տեղակալներ Լաշա Դարսալիան և Վահան Կոստանյանը։

Հանդիպման ժամանակ հատուկ ուշադրություն է դարձվել Վրաստանի և Հայաստանի միջև ռազմավարական գործընկերության շրջանակներում ինչպես երկկողմ, այնպես էլ բազմակողմ համագործակցության օրակարգի արդիական հարցերին: Կողմերը շեշտել են առևտրատնտեսական, տրանսպորտի, էներգետիկայի, զբոսաշրջության, մշակույթի, կրթության և այլ ոլորտներում ինտենսիվ դինամիկան։

Ըստ Վրաստանի ԱԳՆ-ի՝ քննարկվել են նաև Հարավային Կովկասի տարածաշրջանում ընթացող գործընթացները, վրացական կողմը ևս մեկ անգամ հաստատել է իր պատրաստակամությունը նպաստելու տարածաշրջանում խաղաղության, բարգավաճման և կայունության ամրապնդմանը: