Հայաստան-Թուրքիա սահմանային անցակետերը պատրաստ են սահմանների բացմանը և տեղաշարժին. Վահագն Խաչատուրյան

 Չեխիա կատարած պաշտոնական այցն ամփոփող ասուլիսի ժամանակ ՀՀ նախագահ  Վահագն Խաչատուրյանն ասել է, որ Հայաստանն ամեն ինչ անում է Թուրքիայի հետ սահմանների բացման և դիվանագիտական հարաբերությունների հաստատման համար:

Նախագահ Խաչատուրյանը տեղեկացրել է, որ  սահմանային անցակետերում անհրաժեշտ աշխատանքներն իրականացվել են, հետևաբար, դրանք պատրաստ են  ապահովել մարդկանց և տրանսպորտային միջոցների տեղաշարժը։

Նախագահի խոսքով՝ հայ-թուրքական կարգավորման գործընթացը դիտարկվում է նաև Հայաստանի և Ադրբեջանի միջև հարաբերությունների բարելավման ու տարածաշրջանային խաղաղության հաստատման համատեքստում։