«Հայաստանը աշխատում է Թուրքիայի և Ադրբեջանի հետ հաղորդակցությունների կարգավորման ուղղությամբ»

ՀՀ վարչապետ  Նիկոլ Փաշինյանը՝ ելույթ ունենալով Շանհայի համագործակցության կազմակերպության անդամ երկրների գագաթնաժողովում հայտարարել է, որ այսօր Հայաստանը աշխատում է Թուրքիայի և Ադրբեջանի հետ հաղորդակցությունների կարգավորման ուղղությամբ: 

Վարչապետը նշել է նաև, որ առաջիկա ամիսների իրականություն կդառնան առևտրային նախագծերի իրականացումը, որը լրացուցիչ ներուժ կստեղծի Կասպից ջրանցքի օգտագործման համար, որը կմիացնի Պարսից ծոցին, ինչն էլ շահավետ կլինի տարածաշրջանի բոլոր երկրների համար:

Վարչապետ Փաշինյանը խոսել է նաև  այն մասին, որ ՀՀ  ռազմավարական հարաբերություններ է հաստատել  մի շարք երկրների հետ, և այժմ տարվում են աշխատանքներ  դրանց փաստաթղթավորման ուղղությամբ։

«Վերջին տարիներին Հայաստանը ռազմավարական հարաբերություններ է հաստատել Վրաստանի, Չինաստանի, Ղազախստանի, ԱՄՆ-ի, Ֆրանսիայի, Նիդերլանդների, Գերմանիայի, Լյուքսեմբուրգի, Միացյալ Թագավորության, Բուլղարիայի, Խորվաթիայի, Լիտվայի և ԵՄ-ի հետ»,-ասել է Նիկոլ  Փաշինյանը: