Հայաստանը շահագրգռված է ԵԱՏՄ–ում հետագա մասնակցությամբ

Եկատերինբուրգում ընթացող «Իննոպրոմ» ցուցահանդեսի շրջանակում ՀՀ վարչապետ Նիկոլ Փաշինյանը ՌԴ վարչապետ Միխայիլ Միշուստի հետ հանդիպման ժամանակ հայտնել է, որ Հայաստանը շահագրգռված է Ռուսաստանի հետ հարաբերությունների զարգացմամբ և ԵԱՏՄ–ում հետագա մասնակցությամբ, գրում են ռուսական լրատվամիջոցները։

«Որոշ խնդիրներ կան, և ես հույս ունեմ, որ մենք կքննարկենք ու կլուծենք դրանք։ Ինչպես ընտրություններից առաջ, այնպես էլ ընտրություններից հետո, մենք մտադիր ենք շարունակել ՌԴ–ի հետ մեր հարաբերությունները և շահագրգռված ենք ԵԱՏՄ–ում մասնակցությամբ»․–ասել է Փաշինյանը։

Նրա խոսքով՝ Հայաստանը նաև ակնկալում է, որ ԵԱՏՄ-ի շրջանակներում նախատեսված մեխանիզմները կշարունակեն գործել բնականոն ռեժիմով։