Հայաստանը վերջապես երես թեքեց Ռուսաստանից․ Ուկրաինայի արտաքին հետախուզության ծառայություն

Ուկրաինայի արտաքին հետախուզության ծառայությունը հոդված է հրապարակել, որը կրում է «Ռուսաստանի ազդեցությունը չեզոքացված է. Հայաստանը վերջապես երես թեքեց Մոսկվայից և շրջվեց դեպի Եվրոպա» վերնագիրը։

«Տարիներ շարունակ Ռուսաստանը Հայաստանը դիտարկում էր որպես Հարավային Կովկասում իր ֆորպոստ ու գրպանի գործընկեր, սակայն հայկական ընտրություններին միջամտելու հերթական ձախողված գործողությունից հետո Ռուսաստանը վերջնականապես կորցնում է տարածաշրջանում իր ազդեցությունը։ Ի պատասխան հայ ժողովրդի ընտրության՝ «Ռոսպոտրեբնադզոր»-ը, ինչպես և սպասվում էր, հանկարծակ սպառնալիք հայտնաբերեց ծիրանի, բալի, ձկան, «Ջերմուկ» հանքային ջրի և հայկական կոնյակի մեջ, սակայն Կրեմլում մոռացել էին, որ այլևս 1990-ականներում չենք, և տնտեսական փլուզման ու զղջման փոխարեն Հայաստանը շնորհակալություն հայտնեց ԵԱՏՄ իր գործընկերներին՝ առևտրային այլընտրանքներ փնտրելու իրավունքը ճանաչելու համար։

Քանի դեռ Ռուսաստանն արգելափակում էր ծիրանի ներկրումը, Բրյուսելը բացեց իր շուկաները և տասնյակ միլիոնավոր դոլարներ հատկացրեց։ Փաշինյանն ակնարկել է, որ եթե Մոսկվան որոշի բարձրացնել գները, Հայաստանը կբարձրացնի 102-րդ ռուսական ռազմաբազայի և երկաթուղային ցանցերի հարցը, որոնց շահագործման և սպասարկման համար ռուսներին այժմ կարող են 2 միլիարդ դոլարի հաշիվ ներկայացնել։