«Հայաստանի ձգտումները՝ անդամակցել ԵՄ-ին՝ մնալով ԵԱՏՄ-ում, «այլևս նույնիսկ երկու աթոռի վրա նստելու փորձ չեն»․Զախարովա

ՌԴ ԱԳՆ խոսնակ Մարիյա Զախարովան Հայաստանի իշխանությունների համեմատել է այն ուղևորի հետ,
 որը ցանկանում է հասնել«A կետից G կետ»։ Այս մասին գրել է«Ռիա Նովոստի»-ն։

Զախարովան նշել է , որ Հայաստանի ձգտումները՝ անդամակցել ԵՄ-ին՝ մնալով ԵԱՏՄ-ում, «այլևս նույնիսկ երկու աթոռի վրա նստելու փորձ չեն»։ Նաև հավելել է, որ , եթե Հայաստանը ցանկանում է փոխել իր ընտրությունը, կա դա անելու քաղաքակիրթ միջոց։

Ռուսաստանի արտաքին գործերի նախարարության խոսնակը հեգնանքով համեմատել է Հայաստանի իշխանություններին, որոնք ձգտում են անդամակցել Եվրամիությանը՝ միաժամանակ մնալով ԵՏՄ անդամ, ուղևորի հետ, որը ցանկանում է A կետից հասնել G կետ:

 «Պատկերացրեք օդանավակայան, սպասասրահ, կանգառ,  չվերթ: Մի քանի ուղևորներ, որոնք անցել են բոլոր տեսակի անվտանգության ստուգումներ, սահմանային հսկողություն և այլն: Նրանցից յուրաքանչյուրը, բառացիորեն յուրաքանչյուրը, բարեխիղճ է՝ ունենալով որոշակի նպատակներ և խնդիրներ: Եվ հետո, երբ հայտարարվում է ինքնաթիռ նստելու մասին, հանկարծ ուղևորներից մեկը, որը ենթադրաբար ամրագրված էր այս չվերթի համար, ասում է. «Գիտեք, ես չեմ գնալու B կետ, ես գնալու եմ G կետ», - ասել է Զախարովան Sputnik Radio-ի եթերում: