Հայաստանի և Ադրբեջանի միջև խաղաղության գործընթացին աջակցություն է հայտնել Իսպանիայի կոնգրեսի արտաքին հարաբերությունների հանձնաժողովը

Հայաստանի և Ադրբեջանի միջև խաղաղության գործընթացին աջակցություն է հայտնել Իսպանիայի կոնգրեսի արտաքին հարաբերությունների հանձնաժողովը:

Ինչպես տեղեկացնում է« Արմենպրեսս»-ը՝ հանձնաժողովը դրական է գնահատել  այն, որ  երկու երկրների խաղաղության համաձայնագիրը հիմնված է միջազգային իրավունքի սկզբունքների, մասնավորապես՝ պետությունների ինքնիշխանության, տարածքային ամբողջականության, սահմանների անխախտելիության և քաղաքական անկախության սկզբունքների, ինչպես նաև ուժի կիրառումից կամ դրա սպառնալիքից և ցանկացած տարածքային պահանջից հրաժարվելու վրա։

Հանձնաժողովը  կարևորել է հաղորդակցությունների բացումը, տնտեսական համագործակցությունը և տարածաշրջանային կապակցվածությանն ուղղված նախաձեռնությունները:

Հանձնաժողովը հայտնել  է իր աջակցությունը Հայաստանի և Ադրբեջանի միջև խաղաղության գործընթացին և վերահաստատել է իր հանձնառությունը՝ խթանելու խաղաղությունը, երկխոսությունը և միջազգային համագործակցությունը՝ որպես պետությունների միջև համակեցության հիմնարար սկզբունքներ։

Խրախուսվել է նաև կողմերին ավարտին հասցնել Համաձայնագրի ստորագրումը և բարեխղճորեն իրականացնել այն։