Հայաստանի հետ հարաբերությունների կարգավորման գործընթացը կշարունակվի Ադրբեջանի հետ սերտ համակարգմամբ․Թուրքիայի ԱԳՆ
Թուրքիայի ԱԳՆ-ն նշել է, որ Ադրբեջանին ցուցաբերվող աջակցությունը կշարունակվի ամրապնդվել՝ Հարավային Կովկասում հակամարտությունների կարգավորումը հեշտացնելու և տարածաշրջանում խաղաղություն և կայունություն ապահովելու համար։
Ադչբեջանական լրատվամիջոցները գրում են, որ Հարավային Կովկասում երկարատև խաղաղության և կայունության ապահովումը Անկարայի արտաքին քաղաքականության գերակա խնդիրներից մեկն է։
Ըստ լրատվամիջոցների, սա արտացոլված է Թուրքիայի արտաքին գործերի նախարարության 2026 թվականի գործողությունների ծրագրում։
Փաստաթղթում նշվում է, որ Հայաստանի հետ հարաբերությունների կարգավորման գործընթացը կշարունակվի Ադրբեջանի հետ սերտ խորհրդակցություններով և համակարգմամբ։ Թուրքիան նաև կշարունակի աջակցել Հայաստանի և Ադրբեջանի միջև խաղաղության գործընթացին։
Թուրքիայի արտաքին գործերի նախարարությունը նշել է, որ Ադրբեջանին ցուցաբերվող աջակցությունը կշարունակվի ամրապնդվել՝ Հարավային Կովկասում հակամարտությունների կարգավորումը հեշտացնելու և տարածաշրջանում խաղաղություն և կայունություն ապահովելու համար։
Փաստաթղթում ընդգծվում է, որ թուրք-հայ և ադրբեջանա-հայ գործընթացները պետք է առաջ շարժվեն համակարգված ձևով՝ տարածաշրջանում երկարաժամկետ կայունություն, բարգավաճում և անվտանգություն ապահովելու համար։
Զեկույցում հատուկ ուշադրություն է դարձվում Ադրբեջանի հետ հարաբերություններին։ Հաղորդվում է, որ լեզվի, պատմության, մշակույթի և ինքնության վրա հիմնված բացառիկ հարաբերությունները կամրապնդվեն բարձր մակարդակի շփումների միջոցով։
«Նպատակն է, որ մեր ռազմավարական գործընկերությունը նպաստի Հարավային Կովկասում խաղաղությանը, բարգավաճմանը և կայունությանը երկկողմ և բազմակողմ նախաձեռնությունների միջոցով։ Ավելին, մեր սերտ համակարգումն ու համագործակցությունը Ադրբեջանի հետ վճռականորեն կշարունակվի տարածաշրջանում հարաբերությունների կարգավորման գործընթացների շրջանակներում», - նշվում է փաստաթղթում։
Կարդացեք նաև
Քաղաքականություն15 հուլիսի 2026
Թվայնացում և բարեփոխումներ. Հայաստանն ու Էստոնիան կընդլայնեն համագործակցությունը ֆինանսների ոլորտում
Հանդիպման ավարտին կողմերը պատրաստակամություն են հայտնել խորացնելու փոխգործակցությունը փոխադարձ հետաքրքրություն ներկայացնող բոլոր ուղղություններով։
Քաղաքականություն15 հուլիսի 2026
Կատարի Պետությունը սրընթաց վերելք է ապրել. Վահագն Խաչատուրյան
Զրույցի ընթացքում անդրադարձ է կատարվել երկկողմ համագործակցության օրակարգի հարցերին և տարածաշրջանային զարգացումներին
Քաղաքականություն15 հուլիսի 2026
Ընտրություններից հետո վերադարձել ենք Ստեփանավան, տեղում լսելու՝ ինչ խնդիր լուծենք քաղաքի համար. Նարեկ Կարապետյան
Այցի շրջանակներում առանձնազրույցներ են տեղի ունեցել հարյուրավոր ստեփանավանցիների հետ