Հայաստանի ժողովուրդը պետք է լրջորեն մտածի ԵԱՏՄ-ի և ԵՄ-ի միջև ընտրությունից առաջ. Լուկաշենկո

Բելառուսի նախագահ Ալեքսանդր Լուկաշենկոն Հայաստանի ժողովրդին կոչ է արել շատ զգույշ լինել հետագա զարգացման ուղին ընտրելիս՝ ԵԱՏՄ- ԵՄ-ի միջև, որպեսզի չկրկնվի այն, ինչ տեղի ունեցավ Ուկրաինայում,  այս մասին հայտնում է «ՌԻԱ Նովոստի» -ն:

«Հայերը պետք է շատ զգույշ լինեն, որպեսզի, Աստված մի արասցե, չկրկնվի այն, ինչ տեղի ունեցավ Ուկրաինայում», — ասել է Լուկաշենկոն:

Բելառուսի առաջնորդը նշել է, որ Ուկրաինայում ամեն ինչ սկսվել էր նույն կերպ։

«Դուք դա հիշում եք։ Պետք է այնպես անել, որ հայերը, որոնք նոր են դուրս եկել մեկ պատերազմից, այս ամենի հետևանքով չհայտնվեն ծանր իրավիճակում։ Պետք չէ շտապել։ Պարզապես պետք է մտածել, պետք է լինել իմաստուն մարդիկ», — հավելել է Լուկաշենկոն։

Նրա կարծիքով՝ նախքան ԵԱՏՄ-ի և Եվրամիության միջև ընտրություն կատարելը, Հայաստանի ժողովուրդը պետք է շատ լրջորեն մտածի։

«Սա միակ բանն է, ինչին ես նրանց կոչ եմ անում։ Եթե ժողովուրդն իր կարծիքն արտահայտի, մենք կհամաձայնենք դրա հետ», — ընդգծել է Բելառուսի նախագահը։