Հայաստանում Ռուսաստանի դեսպան Սերգեյ Կոպիրկինը կանչվել է Մոսկվա

Հայաստանում Ռուսաստանի դեսպան Սերգեյ Կոպիրկինը կանչվել է Մոսկվա՝ խորհրդակցություններ անցկացնելու ԵՄ-ի հետ մերձեցման ուղղությամբ Հայաստանի ղեկավարության քայլերի հետ կապված, որոնք վնասում են ԵԱՏՄ շրջանակներում փոխգործակցությանը։ ՌԻԱ Նովոստիի փոխանցմամբ այս մասին հայտնել են ՌԴ ԱԳՆ-ից։

«Հայաստանի Հանրապետությունում Ռուսաստանի Դաշնության դեսպան Սերգեյ Պավլովիչ Կոպիրկինը կանչվել է Մոսկվա՝ խորհրդակցությունների համար՝ կապված Եվրամիության հետ մերձեցման ուղղությամբ Հայաստանի ղեկավարության քայլերի հետ, որոնք վնասում են ԵԱՏՄ շրջանակներում փոխգործակցությանը»,-ասված է գերատեսչության կայքում հրապարակված հաղորդագրության մեջ: